Kinderjodlerchörli Schwarzenburg

Ds Kinderjodlerchörli isch im Jahr 2000 mit em Gedanke d Fröid am Singe scho bi de ganz Chliine ds fördere vor Jodlervereinigung Amt Schwarzenburg ids Läbe grüeft worde.
Als Trägervereine si denn:

Jodlerklub Alpenrösli, Schwarzenburg
Jodlerklub Heimelig, Schwarzenburg
Jodlerklub Bärgfründe, Mamishaus
Jodlerklub Frohsinn, Lanzenhäusern
Jodlerdoppelquartett Steinenbrünnen, Lanzenhäusern
Jodlerklub Guggershörnli, Guggisberg
Jodlerchörli Sunneschyn, Milken
Jodlerklub Rüschegg, Rüschegg
Jodlerklub Flüehblüemli, Sangernboden zur Site gstande. Später si no
Jodlerfründe Schwarzwasser, Milken
Voralpen-Chörli, Schwarzenburg als Neumitglieder vor Jodlervereinigung derzue cho.

Mit viu Lideschaft bringt d Nina Berger mit Ihrne Häuferinnen Rosmarie Blaser u Brigitte Stoll u mit Örgeliunnerstützig dür Ättu Beyeler de Chind ging ume nöii Cheerli u Jützeni bii.

A derä Steu ä riesegrosse härzleche Dank däm super Team für Ihre Iisatz. Äs bsunners Merci er Nicole Binggeli, wo di beide Chörli bis i Summer 2022 dirigiert u begleitet het. Nid unnerlah wette mr o de Eutere, Grosseutere, de Klüb u aune wo i irgend ere Form ds Chörli unnerstütze o viu mau merci ds säge....